Pabellón d’Asturies na Expo92 – Museu del pueblu d’Asturies

Cultura Gijón

Obra:  Pabellón d’Asturies na Expo92 – Museu del pueblu d’Asturies
Arquiteutu:  Antonio Muñoz Jordán y Antonio Sanmartín Gabas / Miguel  Ángel Martínez San Miguel (encargau del traslau a Xixón)
Llugar:  Xixón
Ayuntamientu:  Xixón
Añu:  1992 – 1994
Xeollocalización:  43.537,-5.634
Otros Datos:
Premios:
Publicaciones:
  • Concurso de anteproyectos para el Pabellón del Principado de Asturias. Oviedo; Asturias 92, 1991.
  • VV.AA. La obra pública municipal en Gijón (1782-2006).Gijón; Ayuntamiento de Gijón, 2006
  • AV Monografías 34-35: SEVILLA EXPO. 1992
  • Revista Arquitectos 165. Madrid; Consejo Superior de colegios de arquitectos de España, 2003.
  • Revista Ronda Iberia. Abril 1992
  • Revista Ronda Iberia. Agosto 1992
  • Revista Diseño Interior 15. 1992
  • Revista Pabellón de España: 1. 1992
  • Revista ON Diseño: Expo 92
Información na rede:
Descripción del proyeutu:

 Esti edificiu, sal d´un concursu d´anteproyeutos pa`l pabellón del Principau       d´Asturies na Expo 92, que d´aniciu debería ser una construcción efimera. El primer premiu yera ´l  de los arquiteutos Antonio Muñoz y Antonio Sanmartín baxu’l nomatu de “Geografía”, ya que la cubierta na parte más ellevada, mantenía la forma de la rexión asturiana y cola que dábase xuegu al restu l’edificiu. Aunque la obra definitiva nun fue la inicial, mantuvo la so idea orixinal.

L`obra definenla los sos autores como una obra sin daqué estilu.

“¿Daqué estilu ye’l Pabellón del PRINCIPAU D´ASTURIES?

El conceutu d’estilu ye una categoría historiográfica, una especie d´etiqueta fundamentada, qu´aplicase a fortiori, sobre una serie d´obres cuyes caraterístiques comunes faen posible la so clasificación.

Les obres que nacen con estilu carecen de futuru: son meres llimitaciones mercantilistes productu de charranes.

Como autores inoramos l´estilu del Pabellón al que nun sabemos calificar más daqué d´insólitu y contemporáneu.

Dexemos que la perspeutiva que-y da´l tiempu xulgue esti raru artefautu               d´arquiteutura conocíu como Pabellón d´Asturies.

El Pabellón ye un contenedor paradóxicu, qu´envolubra un vacíu ocupau.

Habitanlo estructures esbeltes, cuya calculada posición en desorde aparente, pretende xenerar un espaciu isótropu y nun xerárquicu, ye dicir, sin puntos focales ni allineaciones.

La so envolvente interior del contenedor ye un conxuntu retranquíau de paneles de doble materialidá -madera y cristal- que producen un orden alternau bregosu y pergrande.

La so envolvente esterior del mismu, sicasi, proyeutase como una pelleya neutra y escamada de planches de zinc solapaes que refuguen el problema la xunta.

Un pavimentu descendente entre columnes conduz a l´accesu hacia los espacios climatizaos que produzse por acíu recorríu en ascensor.

Estos espacios son llugares de cualidaes diverses en continua relación col cerramientu esterior.

El recorriu obligau d´éstos, produz un pasu nel nivel superior que transgrede        l´espaciu columnau ufertiándo-y una nova e inesperada llectura.” Antonio Muñoz y Antonio Sanmartín.

Asina, una vegada acabada la EXPO, la Xunta del Principau decide desmontar el so pabellón y traelo pa Xixón xuntu al Río Piles, al llau dalgunos equipamientos perimportantes pa la ciudá como el Molinón, la Feria de Muestres de Xixón, o el pabellón deportivu recien fechu. D´ésta obra encargose l´arquiteutu Miguel Ángel Martínez San Miguel.

Dicir que munchos de los otros pabellones de la EXPO, siguen nel mismu sitiu que nel 92, pero poblando una zona sin usu, al menos esti exemplu ta en funcionamiento como parte del Museu del Pueblu d´Asturies que nesos momentos necesitaba ampliase.

Reportaxe de semeyes: Asturias 92
Planos: Asturias 92

 

Authors
Top